मुंबई : मुंबईतील मालाड परिसरातील एका व्यावसायिकाकडून २ कोटी २५ लाख रुपयांची खंडणी उकळल्याचा गंभीर आरोप अंमलबजावणी संचालनालयाच्या (ED) दोन अधिकाऱ्यांवर करण्यात आला आहे. या प्रकरणी मुंबई पोलिसांनी गुन्हा दाखल केला असून, पुढील तपास मुंबई गुन्हे शाखेकडे सोपवण्यात आला आहे. आर्थिक गैरव्यवहाराच्या चौकशीची भीती दाखवून पैसे मागितल्याचा आरोप तक्रारदाराने केला आहे. मिळालेल्या माहितीनुसार, जुलै महिन्यात जयपूर येथील ईडी कार्यालयाशी संबंधित दोन अधिकारी मालाड पश्चिम परिसरातील एका व्यावसायिकाच्या कार्यालयात गेले होते. यावेळी त्यांनी व्यावसायिकाच्या व्यवसायाबाबत चौकशी केली. त्यानंतर त्याचा गुन्ह्यातून मिळालेल्या पैशांशी संबंध असल्याचा आरोप केल्याचे तक्रारीत नमूद करण्यात आले आहे.(Mumbai Crime Branch investigation)
आधी ५ कोटींची मागणी केल्याचा आरोप
रायगड : नेरळ पोलीस ठाण्याच्या हद्दीतून एक अत्यंत संतापजनक आणि हादरवून टाकणारी घटना समोर आली आहे. एका अल्पवयीन मुलीवर लैंगिक अत्याचार करून तिला गरोदर ...
तक्रारीनुसार, संबंधित अधिकाऱ्यांनी व्यावसायिकाला शोधमोहीम आणि अटकेची भीती दाखवली. सुरुवातीला ५ कोटी रुपयांची मागणी करण्यात आली आणि नंतर ही रक्कम २ कोटी २५ लाख रुपयांवर निश्चित झाल्याचा आरोप आहे. व्यावसायिकाने दिलेल्या तक्रारीनुसार, २० जुलै रोजी झालेल्या या कथित प्रकारानंतर १ कोटी रुपये देण्यात आले. त्यानंतर २५ जुलै रोजी दिल्ली येथे व्यावसायिकाच्या सहकाऱ्यांनी उर्वरित १ कोटी २५ लाख रुपये दिल्याचा दावा करण्यात आला आहे.(Mumbai Crime Branch investigation)
कागदपत्रांबाबत संशय; अतिरिक्त पैशांचीही मागणी?
तक्रारीत पुढे असा आरोप करण्यात आला आहे की, पैसे दिल्यानंतर संबंधित प्रकरण बंद झाल्याचे सांगण्यात आले. मात्र, त्यासंदर्भातील कागदपत्रांची पडताळणी केल्यानंतर व्यावसायिकाला संशय आला. त्यानंतर अधिक पैशांची आणि दरमहा ठरावीक रक्कम देण्याची मागणी करण्यात आल्याचा दावाही तक्रारीत आहे. या प्रकरणी भारतीय न्याय संहितेतील खंडणी, गुन्हेगारी धमकी आणि गुन्हेगारी कटाशी संबंधित कलमांनुसार गुन्हा दाखल करण्यात आला आहे. ईडी कडूनही या प्रकरणात स्वतंत्र कारवाई करण्यात आल्याचे वृत्त आहे. दरम्यान, मुंबई गुन्हे शाखा या प्रकरणाचा तपास करत असून, तक्रारीतील आरोपांची सत्यता आणि कथित आर्थिक व्यवहारांची चौकशी केली जात आहे. संबंधित अधिकाऱ्यांवरील आरोप अद्याप सिद्ध झालेले नाहीत.(Mumbai Crime Branch investigation)