Asian Games 2026 : आशियाई क्रीडा स्पर्धेत भारतीय महिला नेमबाजांनी दमदार कामगिरी करत ट्रॅप सांघिक प्रकारात रौप्यपदक पटकावले. नीरू धांडा, आशिमा अहलावत आणि मनीषा कीर यांच्या भारतीय संघाने एकूण 328 गुण मिळवत दुसरे स्थान मिळवले. चीनच्या संघाने 346 गुणांसह सुवर्णपदक जिंकले, तर कुवेतच्या संघाला कांस्यपदक मिळाले. ( Indian Women Shootersa)
या सामन्यात नीरू धांडाने 118 गुणांची नोंद करत विशेष कामगिरी केली. तिने महिलांच्या वैयक्तिक ट्रॅप प्रकारातील अंतिम फेरीसाठीही पात्रता मिळवली आहे. नीरूने कतारच्या रे बासिलसोबत 118 गुणांची बरोबरी करत आशियाई क्रीडा स्पर्धेतील पात्रता विक्रमाची नोंद केली. वैयक्तिक प्रकारात आशिमा अहलावत 16व्या, तर मनीषा कीर 23व्या स्थानावर राहिली.
नीरू धांडा ही भारतातील आघाडीच्या ट्रॅप नेमबाजांपैकी एक आहे. 26 वर्षीय नीरूने याआधी ISSF शॉटगन विश्वचषक स्पर्धेत महिलांच्या ट्रॅप प्रकारात सुवर्णपदक जिंकत इतिहास रचला आहे. इटलीतील लोनाटो येथे झालेल्या या स्पर्धेत ती महिलांच्या ट्रॅप प्रकारात सुवर्णपदक जिंकणारी पहिली भारतीय महिला ठरली. ( Asian Games 2026)
- सीएसएमटी परिसरात आंदोलन; हलगी घेऊन बांधव उतरले रस्त्यावर, बीएमसी आणि मंत्रालयाकडे जाणारे रस्ते बंद मुंबई : अनुसूचित जातींच्या १३ टक्के आरक्षणाचे ...
विश्वचषकाच्या अंतिम फेरीत नीरूने फ्रान्सच्या माजी विश्वविजेत्या आणि ऑलिम्पियन कॅरोल कॉर्मेनियर यांच्यावर मात केली होती. या कामगिरीनंतर आंतरराष्ट्रीय नेमबाजीमध्ये तिची ओळख आणखी मजबूत झाली.
नीरूचा खेळातील प्रवास मात्र सोपा नव्हता. सामान्य कुटुंबातून आलेल्या नीरूने आर्थिक अडचणींचा सामना करत नेमबाजीमध्ये आपले स्थान निर्माण केले. मेहनत, सातत्य आणि चांगल्या कामगिरीच्या जोरावर तिने आंतरराष्ट्रीय स्तरावर भारताचे प्रतिनिधित्व केले आहे.
आशियाई क्रीडा स्पर्धेतील सांघिक रौप्यपदकानंतर नीरूची वैयक्तिक अंतिम फेरीतील कामगिरीही महत्त्वाची ठरणार आहे. तिच्या या कामगिरीमुळे भारतीय नेमबाजी संघाच्या पदकांच्या अपेक्षा आणखी वाढल्या आहेत.
