न्यूझीलंडविरुद्धची आकडेवारी आणि भिती!
कर्णधार शुभमन गिलने व्यक्त केलेली भीती काही अंशी खरी आहे. कारण मागची आकडेवारी पाहता असं म्हणावं लागेल. भारताने न्यूझीलंडविरुद्ध वेलिंग्टनच्या बेसिन रिझर्व्हवर आतापर्यंत 8 कसोटी सामने खेळले आहेत. त्यात फक्त एका सामन्यात विजय मिळवला आहे. तर पाच सामन्यात पराभवाचं तोंड पाहावं लागलं आहे. तसेच दोन सामने ड्रॉ झाले आहेत. दुसरा कसोटी सामना क्राइस्टचर्च येथे खेळला जाणार आहे. या मैदानात भारताने एकही कसोटी सामना जिंकलेला नाही. भारताने न्यूझीलंडविरुद्ध या मैदानात एक कसोटी सामना खेळला आणि त्यातही पराभवाचं तोंड पाहिलं आहे. शुभमन गिलने सांगितलं की, न्यूझीलंडविरुद्धच्या दोन्ही कसोटी सामन्यात विजय मिळवला, तर वर्ल्ड टेस्ट चॅम्पियनशिप अंतिम फेरीत पात्र होण्याची संधी मिळेल.
मैदानावर पुन्हा 'स्काय' शो! अवघ्या 29 चेंडूंत 82 धावा कुटत मुंबईला मिळवून दिला विजय
[caption id="attachment_1075866" align="aligncenter" width="800"] सूर्यकुमार यादव सध्या टीम इंडियाबाहेर आहे आणि संघात स्थान मिळवण्यासाठी धडपड करत आहे. असं असताना पुन्हा एकदा देशांतर्गत ...
न्यूझीलंडमधील खेळपट्टी आणि आव्हान
न्यूझीलंडच्या वेलिंग्टन आणि क्राइस्टचर्च येथील खेळपट्टी कायम वेगवान गोलंदाजांना मदत करणारी आहे. या खेळपट्टीवर गोलंदाजांना चांगली उसळी आणि चेंडू स्विंग होतो. त्यामुळे भारतीय फलंदाजांना या खेळपट्टीवर सामना करणं कठीण जाईल. अशा स्थितीत भारतीय फलंदाजांना नव्या चेंडूचा सामना करताना सांभाळून राहावं लागणार आहे. यासाठी भारतीय फलंदाज कसून सराव करत आहे. कर्णधार शुभमन गिलने यासाठी अतिरिक्त नेट सेशनमध्ये भाग घेतला.