'Hii' पाठवा अन् PF ची A टू Z माहिती मिळवा; नोकरदारांकडून EPFO च्या व्हॉट्सॲप सेवेला सर्वाधिक पसंदी

कर्मचारी भविष्य निर्वाह निधी संघटना (EPFO) ने सुरू केलेल्या व्हॉट्सॲप सेवेला उत्तम प्रतिसाद मिळत आहे. आता सदस्य त्यांच्या पीएफ अकाऊंट संबंधित सर्व तपशील त्वरित मिळवू शकत आहेत.

मुंबई: कर्मचारी भविष्य निर्वाह निधी संघटना (EPFO) ने सुरू केलेल्या व्हॉट्सॲप सेवेला उत्तम प्रतिसाद मिळत आहे. आता सदस्य त्यांच्या पीएफ अकाऊंट संबंधित सर्व तपशील त्वरित मिळवू शकत आहेत. EPFO ने त्यांच्या एक्स अकाऊंटवर पोस्ट शेअर करत लिहिले की, केवळ 14 दिवसांमध्ये जवळपास 90 लाख सदस्यांनी EPFO च्या व्हॉट्सॲप सेवेद्वारे त्यांच्या पीएफ खात्यातील शिल्लक रक्कम तपासली आहे. हे माध्यम केवळ त्यांच्या पीएफ खात्यातील शिल्लकेबद्दलच नव्हे, तर संस्थेशी संबंधित प्रत्येक अपडेटबद्दलही माहिती देणार आहे.






EPFO च्या नवीन व्हॉट्सॲपच्या सेवेमुळे पीएफ खातेधारकांना मोठा दिलासा मिळाला आहे. आता त्यांना 8796441800 या व्हॉट्सॲप क्रमांकावर मेसेज करून तुम्ही माहिती मिळवू शकता. या क्रमांमकावर फक्त "Hi" असा साधा मेसेज टाईप करून तुम्ही तुम्हाला आवश्यक सर्व माहिती मिळवू शकणार आहात. आपल्या पीएफ खात्यातील शिल्लक रक्कम आणि शेवटचे पाच व्यवहार यांसारखी माहिती तुम्हाला या नंबरवरून त्वरित उपलब्ध होते. इतकेच नाही, तर या सेवेद्वारे पासबुक डाउनलोड करण्याची सुविधा तुम्हाला उपलब्ध आहे. EPFO ने सुरु केलेल्या व्हॉट्सॲप मेसेजच्या सेवेला नोकरदारांकडून उत्तम प्रतिसाद मिळत आहे. फक्त 14 दिवसांमध्ये, 89.88 लाख नोकरदारांनी त्यांच्या पीएफ अकाऊंटची रक्कम तपासली आहे.






तुम्हाला सुद्धा तुमच्या पीएफ अकाऊंटची माहिती तपासायचीये का? जाणून घ्या स्टेप्स...



  • 8796441800 ह्या EPFOच्या नंबरला सेव्ह करा.

  • त्या नंबरवरून व्हॉट्सॲपवर 'Hii' करून पाठवा.

  • त्यानंतर तुमच्याकडून मागितलेली माहिती तुम्हाला भरावी लागेल.

  • UAN ला कनेक्ट असलेल्या नंबरवरूनच तुम्ही EPFOच्या नंबरवर मेसेज करा.

  • व्हेरिफिकेशन केल्यानंतर तुमच्या पसंदीप्रमाणे सर्व्हिस निवडा.

  • तुम्हाला PF Balance, Transaction किंवा Passbook डाऊनलोड करण्याचा पर्याय निवडू शकतो.


 


EPFOने शेअर केलेल्या व्हॉट्सॲपचा क्यूआर कोड स्कॅन करून सुद्धा तुम्ही EPFO सोबत संपर्क करु शकणार आहे, जाणून घ्या स्टेप्स



  • सर्वात प्रथम EPFO ने दिलेल्या व्हॉट्सॲपच्या क्युआर कोडला स्कॅन करा.

  • स्कॅन केल्यानंतर तुम्ही थेट EPFO ​​च्या WhatsApp चॅनेलसोबत कनेक्ट व्हाल.

  • EPFO च्या चॅटबॉटवर आल्यानंतर तुम्ही 'Hi' असा साधा मेसेज टाईप करुन पाठवा.

  • त्यानंतर तुमच्यासमोर तुमच्या सोयीची भाषा निवडण्याचा पर्याय येईल.

  • त्यानंतर, पीएफ शिल्लक, शेवटचे 5 व्यवहार, पासबुक डाउनलोड, भाषा बदल, असे चार पर्याय दिसतील.

  • त्याप्रमाणे, तुमच्या गरजेनुसार सेवेची निवड करा.

  • यानंतर तुम्हाला त्यासंबंधीचा तपशील मिळेल.






EPFO ​​ने सुरू केलेली ही व्हॉट्सॲप सेवा तुम्हाला फक्त तुमची पीएफ शिल्लक तपासण्याचीच परवानगी देत ​​नाही, तर तुमच्या शेवटच्या पाच व्यवहारांचा तपशीलही पुरवते. इतकेच नाही, तर केवळ एक व्हॉट्सॲप मेसेज पाठवून नोकरदार त्यांचे पीएफ खाते पासबुक डाउनलोड करू शकणार आहेत. याव्यतिरिक्त, ह्या माध्यमातून EPFO कडून नोकरदारांना सर्व नवीनतम माहिती देखील पुरवणार आहे.

Comments
Add Comment

GTA 6 च्या लाँचशी पंतप्रधान नरेंद्र मोदी यांनी जोडला भारताचा विकास; 13 वर्षांच्या प्रगतीचा मांडला आढावा

गेमप्रेमींसाठी गेल्या 13 वर्षांपासूनची प्रतीक्षा अखेर संपली आहे. गुरुवारी मध्यरात्री बहुप्रतिक्षित 'ग्रँड

अकवान चक्रीवादळाचा ओडिशाला धोका; 46 हजारांहून अधिक नागरिक सुरक्षितस्थळी हलवले

अकवान चक्रीवादळाने अक्षरशः धुमाकूळ माजवला आहे. पश्चिम मध्य बंगालच्या उपसागरावरील अकवान या तीव्र चक्रीवादळाचा

पेट्रोल पंपावर सिगारेट ओढणं महागात! भर पेट्रोल टँकरसमोर दुचाकीला आग; तरुण गंभीर जखमी

हैदराबाद : पेट्रोल पंपावर इंधन भरताना सिगारेट ओढल्याने मोठी दुर्घटना घडल्याची घटना हैदराबादमधील कुकटपल्ली

भारतीय नौदलाच्या 'अल्बाट्रॉस' पथकाने पूर्ण केली सुवर्णमहोत्सवी 50 वर्षे; हिंदी महासागरावर अविरत पहारा

भारतीय नौदलाने आपल्या सामर्थ्यशाली इतिहासात आणखी एक सुवर्णपान जोडले आहे. भारतीय नौदलाच्या दीर्घ पल्ल्याच्या

Manipur News : मणिपूरमध्ये लष्कराचे वाहन नदीत कोसळले; कॅप्टनचा मृत्यू, 3 जवान गंभीर जखमी

मणिपूर : मणिपूरच्या पूर्व इम्फाळ जिल्ह्यात लष्करी जवानांना घेऊन जाणारे वाहन नदीत कोसळल्याने एका कॅप्टनचा

Vande Bharat Express : नातेवाईकांना निरोप देण्यासाठी वंदे भारतमध्ये चढले अन् अडकले! 12 जणांना 36,000 रुपयांचा दंड

उत्तर प्रदेश : रेल्वे प्रवासात नातेवाईकांना निरोप देण्यासाठी ट्रेनमध्ये चढणे 12 जणांना चांगलेच महागात पडले.