- शिक्षण विभागाकडून कारणे दाखवा नोटीस; पर्युषण काळात डब्यात कांदा, लसूण, बीट न आणण्याच्या सूचना
मुंबई : पर्युषण काळाच्या पार्श्वभूमीवर विद्यार्थ्यांनी डब्यात कांदा, लसूण, बटाटा, बीट आदी पदार्थ आणू नयेत, अशा सूचना पालकांना केल्याप्रकरणी मीरारोड पूर्वेकडील सेव्हन स्क्वेअर अकॅडमी शाळेला ठाणे जिल्हा परिषदेच्या माध्यमिक शिक्षण विभागाने कारणे दाखवा नोटीस बजावली आहे. विद्यार्थ्यांच्या खाण्यापिण्याच्या सवयींवर धार्मिक कारणांवरून निर्बंध घालणे आणि त्यातून विद्यार्थ्यांवर मानसिक दबाव निर्माण होणे, हे बालकांच्या हक्कांशी संबंधित तरतुदींशी विसंगत ठरू शकते, असे नोटिशीत नमूद करण्यात आले आहे. (Mira Road School)
अहिल्यानगर प्रतिनिधी : मराठा आरक्षणाचा प्रश्न अत्यंत संवेदनशील असून, राज्य सरकार यावर गांभीर्याने काम करत आहे. सध्याचे सणावारांचे दिवस लक्षात घेऊन ...
ठाणे जिल्हा परिषदेचे माध्यमिक शिक्षणाधिकारी देविदास महाजन यांनी ही नोटीस बजावली असून, शाळेला दोन दिवसांत लेखी खुलासा सादर करण्याचे निर्देश देण्यात आले आहेत. शाळेचा खुलासा समाधानकारक न आढळल्यास शालेय संहिता तसेच बालकांच्या हक्कांशी संबंधित कायद्यांनुसार कायदेशीर आणि प्रशासकीय कारवाई केली जाईल, असा स्पष्ट इशाराही शिक्षण विभागाने दिला आहे. (Mira Road School)
मिरा रोड पूर्वेकडील सेव्हन स्क्वेअर अकॅडमीच्या पालकांच्या व्हॉट्सॲप ग्रुपवर पर्युषण काळाच्या पार्श्वभूमीवर विद्यार्थ्यांनी डब्यात कांदा, लसूण, बटाटा आणि बीट यांसारखे पदार्थ आणू नयेत, असे आवाहन करण्यात आले होते. शाळा प्रशासनाकडून पालकांच्या मोबाईलवर हे संदेश पाठविण्यात आले होते. जैन धर्मात पर्युषण काळाला विशेष धार्मिक महत्त्व असल्याच्या पार्श्वभूमीवर शाळेकडून विद्यार्थ्यांनी संबंधित पदार्थ खाऊ नयेत किंवा ते डब्यात आणू नयेत, अशी सूचना करण्यात आली होती. या सूचनेनंतर पालकांमध्ये नाराजी निर्माण झाली. महाराष्ट्र नवनिर्माण सेनेनेही शाळेच्या भूमिकेविरोधात आक्रमक पवित्रा घेतला. पालक तसेच मनसेकडून आक्षेप नोंदविण्यात आल्यानंतर या प्रकरणाची व्याप्ती वाढली आणि शाळेच्या भूमिकेवर राज्यभरातून टीका होऊ लागली. त्यानंतर ठाणे जिल्हा शिक्षण विभागाने प्रकरणाची दखल घेत शाळेला कारणे दाखवा नोटीस बजावली. (Mira Road School)
नवी मुंबई : संयुक्त राष्ट्रांच्या (UN) सुरक्षा परिषदेत आता अजिबात विलंब न करता लवकरात लवकर सुधारणा केल्या पाहिजेत, असा ठाम आणि स्पष्ट संदेश पंतप्रधान ...
विद्यार्थ्यांच्या आहाराच्या सवयींबाबत धार्मिक कारणांवरून निर्बंध घालणे आणि त्यातून त्यांच्यावर मानसिक दबाव निर्माण होणे हा गंभीर मुद्दा असल्याचे शिक्षण विभागाने नोटिशीत नमूद केले आहे. त्यामुळे शाळा प्रशासनाकडून या नोटिशीला काय उत्तर दिले जाते आणि त्या खुलाशाच्या आधारे शिक्षण विभाग पुढे कोणती कारवाई करतो, याकडे आता लक्ष लागले आहे. (Mira Road School)
