मुंबई: अन्न- औषध प्रशासनाने मुंबई, चंद्रपूर, पुणे, नाशिकसह संपूर्ण महाराष्ट्रामध्ये धडक कारवाई करत भेसळयुक्त पदार्थांचा साठा जप्त केला आहे. संशयास्पद, भेसळयुक्त, चुकीचे लेबल लावलेले आणि निकृष्ट दर्जाचे तूप, खवा, पेढा, गूळ, तेल, चहा पावडर, मिठाई आणि इतर खाद्यपदार्थांचा साठा जप्त करत सुमारे रु. 30.82 लाख किंमतीचा मुद्देमाल एफडीएकडून जप्त करण्यात आला आहे. सोबतच मुंबई, पुणे, नाशिक, छत्रपती संभाजीनगर आणि नागपूर या विभागांमध्ये 18 आस्थापनांवर कारवाई करत साठा जप्त केला आहे. तर मुंबईतल्या 5 आस्थापनांची तपासणी करत त्यांचे परवानेही निलंबित केले आहेत.
Sunetra Pawar : दुष्काळी स्थितीमुळे राष्ट्रवादीचे राज्यव्यापी शिबिर पुढे ढकलले
- नाशिकमध्ये २७ सप्टेंबरला होते नियोजन; उपमुख्यमंत्री सुनेत्रा पवार यांचा निर्णय
मुंबई : दिवंगत अजित पवार यांच्या पश्चात संघटनात्मक बांधणीसाठी ...
सणासुदीचे दिवस लक्षात घेता नागरिकांना सुरक्षित, दर्जेदार आणि भेसळमुक्त अन्नपदार्थ उपलब्ध व्हावेत या उद्देशाने अन्न- औषध प्रशासनाने (FDA) राज्यभरात विशेष तपासणी आणि धडक कारवाईची मोहिम राबवली आहे. या मोहिमेअंतर्गत विविध भागांतून निकृष्ट दर्जा, भेसळ, चुकीचे लेबलिंग आणि असुरक्षिततेच्या संशयावरून अन्नपदार्थांचा साठा जप्त करण्यात आला आहे. 10 हजार 836 किलोचा साठा जप्त केला आहे. या एकूण जप्त साठ्याची किंमत सुमारे 30 लाख 81 हजार 888 रूपये इतकी आहे. यामध्ये जप्त केलेल्या खवा, मावा, पेढा, तूप, तेल, बर्फी, चहा पावडर, मिठाई आणि इतर दुग्धजन्य पदार्थांचा समावेश आहे. मुंबईतील मालाडमध्ये लाखोंच्या किंमतीचे सुमारे ४,६४६ किलो भेसळयुक्त आणि चुकीचे लेवल लावलेले तूप आणि तेल जप्त केलेय. "पूजा तूप" नावाखाली दिशाभूल करणारे लेबल वापरले आढळले.
Maharashtra Government : दिव्यांग पाल्यांच्या वैद्यकीय प्रमाणपत्राची तीन वर्षांची अट रद्द
- कायमस्वरूपी अपंगत्वासाठी प्रमाणपत्र एकदाच; तात्पुरत्या अपंगत्वासाठी पाच वर्षांनी प्रमाणपत्र सादर करण्याची तरतूद
मुंबई : राज्य शासकीय कर्मचारी ...
मुंबई, पुणे, नाशिक, छत्रपती संभाजीनगर, मराठवाडा आणि नागपूर या विभागांमध्ये 18 आस्थापनांवर कारवाई करत साठा जप्त केला आहे. कमी दर्जाचा संशय, दिशाभूल करणारे लेबल, भेसळयुक्त पदार्थ, चुकीचे लेबल अशा कारणांवरून पदार्थ जप्त केले आहे. कारवाई करत एफडीएने लाखो रूपयाचा मुद्देमाल जप्त केला आहे. एफडीएकडून मुंबईतील हॉटेल, रेस्टॉरंट, धाबा, क्लब आणि बेकरीवर कारवाई करत त्यांचे परवानेही निलंबित केलेला आहे. मालाड पूर्व, वर्सोवा, महालक्ष्मी आणि वांद्रे पश्चिम या ठिकाणच्या आस्थापनांवर कारवाई करत त्यांचे परवाने निलंबित केले आहे. शिवाय काही अस्थापनांचे नोंदणी प्रमाणपत्रेही निलंबित केले आहेत. सणासुदीच्या दिवसांमध्ये महाराष्ट्र राज्यात एफडीए प्रशासन कमीलीचे सक्रिय असल्याचे पाहायला मिळत आहे. यामुळे अनेक दुकानदारांचे धाबे दणाणले आहेत.
