वातावरण सतत बदलत जात आहे. बदलत जाणा-या वातावरणाचा परिणाम आपल्या सौंदर्य प्रसाधनांवर होत असतो. आपण या साधनांची योग्य काळजी घेत नाही. त्यामुळे ती लवकर खराब होतात. प्रत्येक साधनाला एक्सपायरी डेट वेगवेगळी असते. त्यामुळे एक्सपायरी डेटनुसार साधनं वापरली तरी साधनांचा योग्य वापर करून घेतला तर ती दीर्घकाळ टिकतात.
आपण नेलपेंट लावायला जातो आणि लक्षात येतं की ते पूर्ण सुकून गेलं आहे. खूप दिवसांनी मस्करा काढला की लक्षात येतं की ते लागलंच जात नाही किंवा कधी कधी लिपस्टिकचे दोन तुकडे झालेले आढळतात. नेलपेंट सुकणं, मस्करा सुकणं किंवा लिपस्टिक-काजळचे तुकडे होणं हे असं का होतं? कारण आपण त्याकडे पुरेसं लक्ष देत नाही. कारण आपल्याला आपण वापरत असलेल्या सौंदर्य प्रसाधनाचं आयुष्य किती आहे हेच मुळात माहीत नसतं.
सौंदर्य प्रसाधनांची होणारी नासधूस याचं महत्त्वाचं कारण म्हणजे सतत बदलत जाणारं वातावरण. सौंदर्य प्रसाधनं सतत हवेच्या संपर्कात येतात. शिवाय आपण सतत ते प्रसाधन हाताळत असतो म्हणूनही त्यात किटाणूंचा संपर्क होऊ शकतो. त्यामुळे ते एक्सपायरी डेट यायच्या आधीच सौंदर्य प्रसाधन साधने खराब होतात.
काही साधने, मस्करा, आईलायनर, काजळ किंवा आय शेड सतत वापरल्यानेही इन्फेक्शन होऊ शकतं. त्यामुळे त्यांची योग्य ती काळजी घेणं गरजेचं असतं. स्टोअर पाऊडर बेस्ड प्रोडक्ट आपल्याला घामामुळे उतरत जाणा-या मेकअपपासून वाचवतो. शिवाय त्यामुळे चेह-याला तेजही येतं.
कॉम्पॅक्ट फेस पाऊडर आणि आईश्ॉडोंना बाहेरच्या वातावरणापासून वाचवण्यासाठी ओल्या जागेत ठेवू नये. वातावरणात होत जाणा-या बदलांमुळे कॉम्पॅक्ट फेस पावडर लावताना आपल्या त्वचेला त्याचं काही इन्फेक्शन होत नाही ना याची खबरदारी घ्यावी. सौंदर्य प्रसाधनाचा वापर करून झाल्यावर ते व्यवस्थित बंद करून ठेवा, जेणेकरून ते हवेच्या संपर्कात येणार नाही. जी सौंदर्य प्रसाधनं बॉटलच्या स्वरूपात असतात त्यांना योग्य प्रकारे सिलपॅक करणं महत्त्वाचं आहे.
काही सौंदर्य प्रसाधन वॉटर प्रूफ असतात, मात्र बदलत जाणा-या वातावरणामुळे वॉटर प्रूफ सौंदर्य प्रसाधने खराब होऊ शकतात. त्यांना उन्हाच्या सान्निध्यात ठेवू नये. त्यासाठी प्रसाधनाच्या पॅकवर लिहिल्या गेलेल्या सूचनांचा वापर करावा. आपले सौंदर्य प्रसाधन व्यवस्थित एका जागी ठेवण्यासाठी सुरक्षित वॉटर प्रूफ बॅग किंवा पाऊच ठेवावा. या साधनांना इन्फेक्शनपासून वाचवण्यासाठी बॅगमध्ये कडुलिंबाची पाने ठेवावीत.
आपण मेकअप करताना सर्वात जास्त वापरतो ते ब्रश. या ब्रशनाही योग्य ठिकाणी ठेवलं गेलं पाहिजे. नाहीतर काही काळाने तीही खराब होण्याची शक्यता असते. त्यासाठी चैन असलेल्या बॅगेत किंवा पाऊचमध्ये ब्रशना ठेवू शकतो. ब्रश प्रमाणापेक्षा जास्त भिजला तर त्याचा शेप बिघडू शकतो. प्रत्येक ब्रशला वेगवेगळ्या पाऊचमध्ये ठेवा. आर्दता आणि बुरशीपासून वाचवण्यासाठी त्यांना बंद खोलीत ठेवणं केव्हाही उत्तमच.
आपण घेत असलेल्या काळजीनंतरही जर तुमची साधने ओली राहत असतील तर ब्लो डायर वापरल्यास आपण ओलाव्यापासून वाचू शकतो. जर तुमच्या कोणत्याही सौंदर्य प्रसाधनातून वास येऊ लागला किंवा त्याचा रंग अचानक बदलू लागला तर ते साधन वापरणं टाळा.
प्रत्येक साधनांवर एक्सपायरी डेट जरी दिली गेली असली तरी आपण साधन वापरण्यासाठी सुरुवात केल्यापासून त्याची एक्सपायरी डेट बदलू शकते. काही प्रोडक्ट केवळ २ महिनेच टिकू शकतात तर काही साधने ३ ते ५ वर्षही टिकू शकतात. आता एक नजर टाकू या, कोणत्या साधनांना किती आयुष्य असते त्यावर.
आपण लिपस्टिक आणि लिपबाम यांचा सर्रास वापर करतो. मात्र थेट ओठांवर लावण्यापेक्षा ब्रशच्या सहाय्याने ते लावणं केव्हाही उत्तमच. फेसवॉश जास्तीत जास्त २ र्वषच उत्तमरीत्या वापरू शकतात. आयश्ॉडो, आयलायनर, शेल्फ लाइफ ६ महिने वापरू शकतो. आयलायनरला फार काळ बाहेर ठेवू नका. तसंच आयश्ॉडोच्या कीटमध्ये असलेल्या लहान ब्रशचा वापर करणं टाळा.
पावडर ब्रशचं आयुष्य एक वर्षाचं असतं. पावडर लावतानाही ब्रशचा वापर करा. प्रत्येक वापरानंतर ब्रश व्यवस्थित स्वच्छ करून ठेवावा. ब्रशला सुखवणं आणि योग्य जागेत ठेवणंही महत्त्वाचं आहे. टोनरचं आयुष्यही वर्षभराचं असतं. जर तुम्हाला टोनर दीर्घकाळ वापरायचं असेल तर ते व्यवस्थित बंदिस्त ठेवणं गरजेचं आहे. क्रीम अ‍ॅण्ड लोशनचं आयुष्य ६ महिनेच आहे. मात्र क्रीम आणि लोशन वापरताना आपले हात स्वच्छ आहेत की नाहीत, याची खातरजमा करून घ्या. कारण आपल्या हातावाटे जीवाणू क्रीममध्ये शिरण्याची शक्यता जास्त असते.
बॉडी कन्सीलरचं आयुष्य ६ महिने आहे. कन्सीलर लिक्विड स्वरूपात असो वा क्रीम स्वरूपात असेल तर नेहमी एक गोष्ट लक्षात ठेवा की यामध्ये पाणी अजिबात जाता कामा नये. फाऊंडेशन जास्तीत जास्त ३ ते ६ महिने आहे. हवेच्या संपर्कात आल्याने फाऊंडेशन खराब होऊ शकतं. त्यामुळे फाऊंडेशन वापरताना काळजी घ्यावी लागते. आपण मस्कराही ३ महिने वापरावा. तसंच मस्करा कधीच इतरांना वापरायला देऊ नये. त्याने इन्फेक्शन होऊ शकतं. श्ॉम्पू, कंडिशनरचं आयुष्य ३ र्वष असू शकतं. पण जर तुम्ही श्ॉम्पू आणि कंडिशनरची झाकणं व्यवस्थित लावली नसतील तर ती लवकर खराब होतात.
स्पॉन्जचं आयुष्य एक महिनाच आहे. पण जर तुम्ही आठवडय़ातून एकदा स्वच्छ केलंत तर दीर्घकाळ टिकू शकेल. ब्रशही २ ते ३ महिने व्यवस्थित वापरू शकतो. ब्रशना माइल्ड डिर्टजटने धुणं केव्हाही उत्तम आहे. परफ्यूमचं आयुष्य जवळपास २ र्वष आहे. एंटी एजिंग, एक्ने ट्रीटमेंट शेल्फ लाइफ ३ महिन्यांपेक्षा जास्त वापरू नये. हेअर स्टायलिंगचे प्रोडक्ट जास्तीत जास्त ३ ते ५ र्वष अल्कोहोलयुक्त राहतात.
एक्सपायरी डेट निघून गेल्यावर याचा वापर करणं टाळा. सौंदर्य प्रसाधन एकदा वापरून झाल्यावर ते लवकर खराब होण्याची शक्यता आहे. यामध्ये प्लँट एक्स्ट्रेक्ट, एंटीऑक्सिडेंट, रेटिनॉल, ग्लाइककॉलिक अ‍ॅसिड आणि विटमिन सी असतात. जे हीट आणि सनलाइटमध्ये लवकर खराब होण्याची शक्यता आहे. ज्या साधनांवर प्रिजव्हेटिव्ह फ्री असं लिहिलेलं असतं त्यावर बॅक्टेरिया अधिक प्रमाणात येण्याचे प्रमाण आहेत. जे साधनं पावडर सारख्या इंग्रीडिएंट असतात, ते खूप वेळ पर्यंत टीकत नाहीत.
