मास्टर ब्लास्टर सचिन तेंडुलकरने त्याचा जीवलग मित्र वीरेंद्र सेहवागला १.१४ कोटी रुपये किंमतीची आलिशान बीएमडब्ल्यू कार ‘गिफ्ट’ केली आहे.
नवी दिल्ली- मास्टर ब्लास्टर सचिन तेंडुलकरने त्याचा जीवलग मित्र वीरेंद्र सेहवागला १.१४ कोटी रुपये किंमतीची आलिशान बीएमडब्ल्यू कार ‘गिफ्ट’ केली आहे. या खास ‘गिफ्ट’बद्दल सेहवागने ट्विटरच्या माध्यमातून सचिनचे आभार मानले आहेत. सेहवागने या कारसोबतचा फोटोही ट्विटरवर पोस्ट केला आहे.
सचिन आणि सेहवागने दीर्घ काळ भारताच्या डावाची सुरुवात केली. या जोडगोळीने अनेक दिग्गज गोलदांजांची पिसे काढली. जगातील सर्वात स्फोटक सलामी जोडी म्हणूनही या दोघांचा दबदबा राहिला. अर्थात सेहवागने नेहमीच सचिनला आदर्श मानले.
सचिन त्याचे प्रेरणास्थान राहिला. आता दोघेही क्रिकेटमधून निवृत्त झाले असले तरी त्यांच्यातील मैत्रीचे अतुट नाते तसेच आहे. याच नात्याने सचिनने आपल्या मित्राला बीएमडब्ल्यू कारच्या रूपाने महागडे ‘गिफ्ट’ दिले आहे.
बीएमडब्यू ७ सीरिजमधील ७३० एलडी मॉडेलची कार सचिनने सेहवागला दिली असून या कारची भारतातील किंमत १.१४ कोटी इतकी आहे. या गिफ्टबद्दल सेहवागने आपल्या अधिकृत ट्विटर हँडलवरून सचिनचे आभार मानले आहेत.
Thank you @sachin_rt paaji and @bmwindia .Grateful for this ! pic.twitter.com/8PQd9NxO11
— Virender Sehwag (@virendersehwag) September 26, 2017
भारतरत्न सचिन तेंडुलकर..
1.14 कोटी ची कार देण्यापेक्षा
किती तरी गरिबांचे घर
संसार सुखी केले असते तर..
या पेक्षा अधिक मोठे गिफ्ट कोणतेही नाही..