दिवाळीत एसटीने प्रवास करायचा असेल तर प्रवाशांना खिशाला चाट लागण्याची तयारी ठेवावी लागणार आहे. दिवाळीसाठी एसटी महामंडळाने भाडेवाढ करण्याचा निर्णय घेतला असून सर्व प्रकारच्या बस सेवांमध्ये १० ते २० टक्के दरवाढ होणार आहे.
मुंबई- दिवाळीत एसटीने प्रवास करायचा असेल तर प्रवाशांना खिशाला चाट लागण्याची तयारी ठेवावी लागणार आहे. दिवाळीसाठी एसटी महामंडळाने भाडेवाढ करण्याचा निर्णय घेतला असून सर्व प्रकारच्या बस सेवांमध्ये १० ते २० टक्के दरवाढ होणार आहे. १४ ते ३१ ऑक्टोबर या कालावधीत ही भाडेवाढ लागू असेल.
दिवाळीच्या सुट्टीमध्ये परगावी जाणा-यांचे प्रमाण मोठे असते. त्यामुळे अनेकजण महिनाभर आधीच आरक्षण करून ठेवतात. त्यामुळे सध्या तिकीट केंद्रांवर वाढीव भाडे आकारणीला सुरुवात झाली आहे. हंगामानुसार एसटीच्या भाडय़ात ३० टक्क्यांपर्यंत वाढ करण्याचा किंवा भाडे कमी करण्याचा अधिकार एसटी महामंडळाला राज्य परिवहन निगमने दिला आहे. त्यामुळे यंदाही दिवाळीसाठी भाडेवाढ करण्याचा निर्णय घेण्यात आला आहे. सलग तिस-या वर्षी ही भाडेवाढ करण्यात आली आहे.
साधी बस व रातराणी बससाठी १० टक्के निमआराम बस सेवांसाठी १५ टक्के आणि वातानुकूलित बससाठी २० टक्के भाडेवाढ आहे. या भाडेवाढीमुळे एसटी महामंडळाला चांगल्या प्रमाणात महसूल मिळतो. गेल्या वर्षी दिवाळीत अशाच प्रकारे भाडेवाढ केल्याने महामंडळाला ३६ कोटी रुपयांचा महसूल मिळाला होता. त्याआधीच्या वर्षी ४२ कोटी रुपये महसूल एसटीला मिळाला होता. काही वर्षापासून भाडेवाढीची पद्धत एसटीने सुरू केली आहे. त्यावर वारंवार टीकाही करण्यात आली आहे. परंतु शेकडो कोटी रुपये तोटय़ात असलेल्या एसटीला या भाडेवाढीतून काही प्रमाणात महसूलवाढ मिळते. अर्थात त्यामुळे प्रवाशांना भरुदड सहन करावा लागत आहे.
[EPSB]
नाशकातील साठेबाज कांदा व्यापा-यांनी दुबई हवालामार्फत ‘काळ्याचे पांढरे’ केल्याचा संशय निर्माण झाला आहे. दुबईतून कांदा निर्यातीच्या नावाखाली फक्त पैसे आणले गेले. कांदे निर्यात झालेच नसल्याचा संशय ईडीला आहे.
[/EPSB]
तुमच्या एकाही लेखामध्ये वेतनवाढीबद्दल विस्तृत माहिती नाही.
कृपया वेतन वाढीबद्दल विस्तृत माहिती लिहावी