आधुनिकीकरणाच्या जगात रेल्वेचे ई-तिकीट इंटरनेटच्या माध्यमातून मिळविणे अगदी सहज शक्य झाले आहे.
मुंबई- आधुनिकीकरणाच्या जगात रेल्वेचे ई-तिकीट इंटरनेटच्या माध्यमातून मिळविणे अगदी सहज शक्य झाले आहे. तरीदेखील अनेक अडचणींमुळे अपंग प्रवाशांना मात्र रेल्वेच्या ई-तिकिटिंग सेवेचा फायदा घेणे शक्य होत नव्हते.
इंटरनेटच्या माध्यमातून तिकीट काढताना प्रवासी अपंग आहे किंवा नाही याचा निष्कर्ष काढणे कठीण होते. त्यामुळे अपंग प्रवाशांची होणारी गैरसोय टाळण्यासाठी मध्य रेल्वेकडून अपंग प्रवाशांसाठी वेगळा ओळखपत्र क्रमांक देण्यात येणार आहे. त्याद्वारे अपंग प्रवाशांना इंटरनेटच्या माध्यमातून रेल्वेचे ई-तिकीट काढणे शक्य होणार आहे.
रेल्वे आरक्षणामध्ये अपंग प्रवाशांना आरक्षण असताना देखील केवळ प्रवासी अपंग असल्याची खातरजमा होत नसल्याने ई-तिकीट देणे कठीण झाले होते. त्याकरिता मध्य रेल्वेकडून नव्याने योजना सुरू करण्यात आली असून १८ मेपासूनच अपंग प्रवाशांनी कागदपत्रे घेऊन मध्य रेल्वेच्या मुख्यालयात जमा करण्याचे आवाहन मध्य रेल्वेकडून करण्यात आले आहे.
या कागदपत्रांमध्ये रेल्वेचे कनेक्शन सर्टिफिकेट, फोटो ओळखपत्र, जन्मदाखला, राहत्या घरचा पुरावा आणि दोन पासपोर्ट साईज फोटो अशा कागदपत्रांच्या स्वत: साक्षांकित केलेल्या प्रती १८ मेपासून मध्य रेल्वेच्या वरिष्ठ वाणिज्य व्यवस्थापक कार्यालयात सकाळी १० ते सायंकाळी ५ वाजेपर्यंत जमा करण्याचे आवाहन करण्यात आले आहे. याशिवाय पोस्टाने कागदपत्रे पाठवायची असल्यास अपंग प्रवाशांना तिकीट सवलत मिळण्याकरिता असे लिफाफ्यावर लिहायचे आहे.
मध्य रेल्वे प्रशासनाकडून जमा करण्यात आलेल्या कागदपत्रांची खातरजमा केल्यानंतर अपंग प्रवाशांना एक ओळखपत्र देण्यात येणार आहे. त्यानंतर देण्यात येणा-या ओळखपत्रावर वेगळा ओळखपत्र क्रमांक देण्यात येणार असल्याने आता अपंगांना देखील रेल्वेचे ई-तिकीट मिळणे शक्य होणार आहे.
मुंबई उपनगरीय रेल्वेने दररोज ७० लाखांहून अधिक प्रवासी प्रवास करतात. तर १२ लाखांहून अधिक अपंग प्रवासी प्रवास करतात. अपंग, आजारी यांच्यासाठी लोकलमध्ये वेगळा डबा उपलब्ध करून देण्यात आला आहे. अपंगांना अधिकाधिक सुविधा देण्याचा प्रयत्न रेल्वे प्रशासनाकडून केला जातो. त्याचाच एक भाग म्हणून अपंग प्रवाशांना ई-तिकिटाचा लाभ मिळावा, यासाठी वेगळे ओळखपत्र क्रमांक असलेले ओळखपत्र देण्याचा निर्णय मध्य रेल्वेने घेतला असून अपंग प्रवाशांनी या योजनेचा फायदा घ्यावा, असे आवाहन रेल्वे प्रशासनाने केले आहे.
RAIL WAY SAVALAT YOGAYA AAHE PARANTU 14MONTH HOUN SOLAPUR OFICE CONCESSION DEINA DOCUMENT TOTAL COLOUR COPIES V BLACK COPIES PHOTO ONLINE HANDICAPED CERT DILET SHEVATI RTI PATHAVILA ,ASE SAVLAT PRAKARAN KITEK VARASH MILAT NAHI. CLEARITY ASUN SUDHHA.VIJAY THORAT KARANJI BK,KOPARGAON.
date 23/5/2018 .RAIL WAY SOLAPUR KADUN HANDICHAPED ID MALALET ,VIJAY THORAT. KARANJI KOPARGAON.