जगभरातील प्रसारमाध्यमांबद्दलचे विश्व उघडून दाखवणा-या अमेरिकेतील ‘न्यूझियम’ या वृत्तपत्राच्या म्युझियमने ‘प्रहार’चा समावेश जगभरातील मुख्य वृत्तपत्रांमध्ये करून ‘प्रहार’सह मराठी भाषेचा गौरव केला आहे.
मुंबई- अमेरिकेच्या न्यूझियममधील १६ जुलैच्या मुख्य गॅलरीमध्ये ‘प्रहार’ जगभरातील नामाकिंत वृत्तपत्राच्या सोबत झळकला. ‘प्रहार’चे वाचक आणि एम. एम. अॅरटिव्हचे व्यवस्थापकीय संचालक जगदीश पाटणकर यांनी आपल्या अमेरिकेच्या भेटीदरम्यान न्यूझियमला भेट दिली. त्या वेळी ‘प्रहार’ आणि पर्यायाने मराठी भाषेची ही भरारी टिपली.
भारतातील भाषिक वृत्तपत्रे इंटरनेटच्या माध्यमातून जगाच्या कानाकोप-यापर्यंत केव्हाच पोहोचली आहेत. जगभरातील प्रसारमाध्यमांबद्दलचे विश्व उघडून दाखवणा-या अमेरिकेतील ‘न्यूझियम’ या वृत्तपत्राच्या म्युझियमने ‘प्रहार’चा समावेश जगभरातील मुख्य वृत्तपत्रांमध्ये करून ‘प्रहार’सह मराठी भाषेचा गौरव केला आहे.
अमेरिकेतील अìलग्टन येथील न्यूझियम या म्युझियममध्ये जगभरातील ८००हून अधिक वृत्तपत्रांचा संग्रह करण्यात आला आहे. या म्युझियममध्ये दररोज संग्रहित वृत्तपत्रांच्या पहिल्या पानाची दखल घेतली जाते. न्यूझियमच्या वृत्तपत्रांच्या गॅलरीमध्ये ‘प्रहार’ची दखल केव्हाच घेतली आहे. ‘प्रहार’चा हा प्रवास आणखी पुढे जात आता न्यूझियमने मुख्य वृत्तपत्रांच्या गॅलरीमध्ये ‘प्रहार’चा समावेश केला आहे. विशेष म्हणजे न्यूझियमने अशा प्रकारे दखल घेतलेले ‘प्रहार’ हे भारतातील एकमेव दैनिक ठरले आहे. मुळात दैनिक ‘प्रहार’च्या तीन आवृत्तींसह भारतातील केवळ १४ वृत्तपत्रे न्यूझियममध्ये संग्रहित आहेत.
पाटणकर यांनी यासंदर्भातील अनुभव ‘प्रहार’सोबत शेअर केला, ते म्हणाले, न्यूझियममध्ये गेल्यानंतर जगातील सर्व महत्त्वाची वृत्तपत्रे पाहताना माझी नजर भारतातील कोणते वृत्तपत्र दिसते का, याचा शोध घेत होती. जेव्हा माझ्या डोळ्यासमोर ‘प्रहार’चे पहिले पान दिसले तेव्हा हा शोध संपला. फ्रान्समधील ‘लेमॅन्दो’, अमेरिकेतील ‘वॉशिंग्टन पोस्ट’, चीनमधील ‘पिपल्स डेली’, जपानमधील सुप्रसिद्ध ‘द जपान टाइम्स’, किंवा ‘ऑझव्र्हर्स’ अशा ख्यातनाम वृत्तपत्रांच्या पंक्तीत आपला ‘प्रहार’ पेपर अक्षरश: उठून दिसत होता. बरेच दिवस भारताबाहेर असल्यामुळे मराठी पेपर वाचण्याचा अनोखा आनंद घेऊन मी न्यूझियमध्ये अन्य कोणते भारतीय पेपर आहे का, पाहू लागलो. एकदा नव्हे दुस-यांदा सर्व न्यूझियमला वळसा घातल्या, पण एकही भारतीय वृत्तपत्र दिसले नाही. त्यावर तेथील संचालकांना विचारणा केली असता, त्यांनी आज (१६ जुलै) भारतातील केवळ ‘प्रहार’ हेच वृत्तपत्र येथे प्रदर्शित केल्याचे सांगितले. ते ऐकून माझे मन आनंदाने भरून आले. प्रहारच्या माध्यमातून आपल्या माय बोलीचा झालेला हा गौरव मी मुद्दाम कॅमे-यात बंदिस्त केल्याचे पाटणकर यांनी सांगितले.
काय आहे न्यूझियम?
न्यूझियम(न्यूज म्युझियम) हे अमेरिकेतील वॉशिंग्टन डी.सी जवळील अìलग्टन येथील दोन लाख १५ हजार चौ.फू जागेतील म्युझियम आहे. न्यूझियमच्या या प्रशस्त इमारतीमध्ये १४ भव्य गॅलरी आहेत. यात जगभरातील ८००हून अधिक वृत्तपत्रे पाहता येतात. पर्यटकांना वृत्तपत्रसृष्टीचे भान देणा-या आणि दिवस संपल्यानंतर रद्दी अशी ओळख होणा-या वृत्तपत्रांना न्यूझियमच्या माध्यमातून अमरत्व दिले गेले आहे. न्यूझियमच्या संकेतस्थळावर (newseum.org) नेटिझन्स सर्व वृत्तपत्रे ऑनलाइन वाचू शकतात.
here is list of all indian papers there i found your given article is with less information
India
767 Amar Ujala New Delhi, India
768 Deccan Chronicle – Bangalore Bangalore, India
769 Anandabazar Patrika Calcutta, India
770 The Telegraph Calcutta, India
771 Madhyamam Daily Calicut, India
772 Deccan Chronicle – Chennai Chennai, India
773 Andhra Jyothy Hyderabad, India
774 Andhrabhoomi Hyderabad, India
775 Deccan Chronicle Hyderabad, India
776 Deccan Chronicle – Kochi Kochi, India
777 Aajkaal Kolkata, India
778 Mathrubhumi Kozhikode, India
779 Thejas Daily Kozhikode, India
780 Financial Chronicle Mumbai, India
781 Prahaar – Mumbai Mumbai, India
782 Asian Age New Delhi, India
783 The Financial Express New Delhi, India
784 Prahaar – Ratnagiri Ratnagiri, India
785 Prahaar – Sindhudurg Sindhudurg, India