एसी हॉटेलमधील सध्याचा १८ टक्के इतका जीएसटी दर घटवून १२ टक्के करण्याचा सरकारचा विचार असून जीएसटी परिषदेच्या पुढील बैठकीत यावर शिक्कामोर्तब केले जाण्याची शक्यता आहे. हा निर्णय झाल्यास मध्यमवर्गीयांना मोठा दिलासा मिळणार आहे.
नवी दिल्ली – एसी हॉटेलमधील सध्याचा १८ टक्के इतका जीएसटी दर घटवून १२ टक्के करण्याचा सरकारचा विचार असून जीएसटी परिषदेच्या पुढील बैठकीत यावर शिक्कामोर्तब केले जाण्याची शक्यता आहे. हा निर्णय झाल्यास मध्यमवर्गीयांना मोठा दिलासा मिळणार आहे.
सध्या एसी हॉटेलमध्ये १८ टक्के आणि नॉन-एसी हॉटेलमध्ये १२ टक्के इतका जीएसटी द्यावा लागतो. जर हे दोन्ही टॅक्स समान केले तर संबंधित हॉटेल व्यावसायिकांना इनपूट टॅक्स क्रेडिटची सवलत सोडावी लागू शकते. या आनुषंगाने जीएसटी परिषद र्सवकष विचार करत आहे. हॉटेल मालकांनी सर्व प्रकारच्या हॉटेल्सन १२ टक्के जीएसटी निश्चित करताना इनपूट टॅक्स क्रेडिट कायम ठेवण्याची मागणी केलेली आहे.
दरम्यान, १८ टक्के जीएसटी वसूल केला जात असतानाही आणि इनपूट टॅक्स क्रेडिट मिळत असतानाही प्रत्यक्ष ग्राहकांना त्याचा कोणताही फायदा मिळत नसल्याच्या तक्रारी जीएसटी परिषदेकडे आल्या होत्या. ती बाब गांभीर्याने घेत एसी हॉटेल व नॉन एसी हॉटेल्सचा जीएसटी दर एकसमान करण्याचे जवळपास निश्चित करण्यात आल्याचे सांगण्यात येत आहे.
[EPSB]
[/EPSB]