मुंबई विद्यापीठाच्या रखडलेल्या निकाल गोंधळातून विद्यार्थी आणि परीक्षा विभाग सावरत असतानाच, नव्या परीक्षांचे वेळापत्रक जाहीर करण्यात आले आहे.
मुंबई- मुंबई विद्यापीठाच्या रखडलेल्या निकाल गोंधळातून विद्यार्थी आणि परीक्षा विभाग सावरत असतानाच, नव्या परीक्षांचे वेळापत्रक जाहीर करण्यात आले आहे. मात्र विद्यापीठ प्रशासनाने काही अभ्यासक्रमांच्या वेळापत्रकात बदल करण्याचा निर्णय शुक्रवारी घेतल्याने विद्यार्थी पुन्हा एकदा चिंतेचे वातावरण पसरले आहे. विद्यापीठाने शुक्रवारी बीएससी आयटी, बीएससी हॉस्पिटॅलिटी आणि बीव्होकच्या काही परीक्षांच्या वेळापत्रकात बदल केला. त्याची सविस्तर माहिती विद्यापीठाच्या वेबसाइटवर देण्यात आली आहे.
मात्र परीक्षेसाठी काही दिवस शिल्लक असतानाच, अचानक परीक्षांच्या वेळापत्रकात बदल करण्यात आला आहे. विद्यार्थ्यांंच्या मागणीनुसारच नवे सुधारित वेळापत्रक जाहीर करण्यात आल्याचे परीक्षा विभागातर्फे सांगण्यात आले आहे.बीएससी हॉस्पिटॅलिटी (सेमिस्टर ६)ची परीक्षा ९ ऑक्टोबर ऐवजी १३ नोव्हेंबर, बीएस्सी आयटी (सेमिस्टर ६)ची परीक्षा १० ऑक्टोबर ऐवजी १३ नोव्हेंबर व टीवायबीव्होक (सेमिस्टर ५)ची परीक्षा ७ ऑक्टोबरऐवजी २० नोव्हेंबरला होणार आहे.
[EPSB]
[/EPSB]