युवासेनेचे प्रमुख आदित्य ठाकरे यांनी हॉटेलच्या टेरेसवर पार्टीसाठी परवानगीची मागणी केलेला प्रस्ताव शिवसेनेने पुन्हा बाहेर आणला आहे.
मुंबई- युवासेनेचे प्रमुख आदित्य ठाकरे यांनी हॉटेलच्या टेरेसवर पार्टीसाठी परवानगीची मागणी केलेला प्रस्ताव शिवसेनेने पुन्हा बाहेर आणला आहे. दोन वर्षांपासून राखून ठेवलेला हा प्रस्ताव शिवसेना पुन्हा पालिका सभागृहात मंजुरीसाठी आणणार आहे. त्याला भाजपसह काँग्रेसचा विरोध असल्यामुळे सेनेने समाजवादी पक्ष, मनसे व राष्ट्रवादी काँग्रेसची मदत घेण्यासाठी जोरदार मोर्चेबांधणी केल्याचे सांगितले जाते.
हॉटेलच्या टेरेसवर पार्टी करण्यासाठी पालिकेने अधिकृत परवानगी द्यावी, अशी मागणी आदित्य यांनी केली होती. तीन वर्षांपूर्वी सेनेने समाजवादी पक्षाच्या मदतीने सुधार समितीत हा प्रस्ताव मंजूर केला होता. पालिका सभागृहात तो मंजुरीसाठी सादर झाल्यानंतर भाजप व काँग्रेसने जोरदार विरोध केला. त्यामुळे दोन वर्षांपासून हा प्रस्ताव पालिका सभागृहाच्या मंजुरीसाठी पडून आहे. तो पुन्हा मंजूर करण्यासाठी सेनेने कंबर कसली आहे.
काँग्रेसने या प्रस्तावाला विरोध कायम ठेवला अaसून, टेरेस पाटीर्मुळे आजूबाजूच्या इमारतींमधील रहिवाशांना त्रास होणार असल्याचे विरोधी पक्षनेते रवी राजा यांनी सांगितले. टेरेस पार्टीमुळे रहिवाशांना त्रास होणार नाही, याची खात्री पालिका देणार का, असा सवाल राजा यांनी केला आहे. प्रस्ताव मंजूर होऊ नये यासाठी भाजपने प्रस्तावाविरोधात मतदान करण्याचा निर्णय घेतला असल्याचे समजते.
[EPSB]
बांधकाम व्यावसायिकाकडे खंडणी मागितल्याप्रकरणी कुख्यात गुंड दाऊद इब्राहिमचा भाऊ इकबाल कासकरला तीन साथीदारांसह ठाणे खंडणीविरोधी पथकाने अटक केली.
[/EPSB]